Заострувањето на мерките против коронавирусот означува чекор наназад, бидејќи француските власти во септември објавија дека маските не се задолжителни во основните училишта кои се најмалку погодени од коронавирусот
Од денеска повторно е задолжително носење маска во основните училишта во Франција во борбата против епидемијата на коронавирус, соопшти тамошното Министерството за образование.
Досега само учениците од пониските одделенија во повеќе департмани на Франција мораа да носат маски, а од денеска маски мора да носат сите ученици на таа возраст во целата земја.
Заострувањето на мерките против коронавирусот означува чекор наназад, бидејќи француските власти во септември објавија дека маските не се задолжителни во основните училишта кои се најмалку погодени од коронавирусот.
Сепак, поради растот на бројот на заразени, претседателот на Франција, Емануел Макрон, на 9 ноември ги повика вакцинираните да ја примат третата доза од вакцината против коронавирус, бидејќи во спротивно може да ја изгубат можноста да добијат пропусница за ковид.