За време на полицискиот час, попладнево е запален летниковец во парк шумата Гази Баба. Пожарот го забележале инспекторите на Град Скопје кои правеле рутинска контрола со дрон.
Од противпожарната бригата информираа дека за среќа реагирале брзо, пa не се дозволи пожарот да се прошири и да направи поголема штета во шумата.
Палењето на летниковецот остро го осуди скопскиот градоначалник Петре Шилегов.
„Ваквиот вандализам мора да престане! Летниковецот во парк шумата Гази Баба беше поставен за луѓето да можат да се одморат, релаксираат и поминат време со своите најмили. Кому му пречело сето тоа? Овој чин не само што направил материјална штета, туку можел многу сериозно да предизвика голема опасност и да ја загрози безбедноста во околината“,
напиша Шилегов на својот профил на Фејсбук.
