Душка е мајка на девојчката чии органи спасија повеќе животи. Таа ќе биде една од вработените во канцеларијата на премиерот во Струмица преку која, велат од владината прес-служба, граѓаните ќе може да ги адресираат своите прашања, проблеми и предлози, а ќе може да закажат и средба со Заев
Премиерот Зоран Заев, денеска во неговата родна Струмица, отвори канцеларија за контакт со граѓаните, информираа од владината прес-служба.
Од Владата велат дека канцеларијата ќе служи како уште една алатка за комуникацијата со граѓаните, а меѓу вработените во неа е и Душка Белчовска, мајката на девојката Верица која загина во сообраќајна несреќа, а чии органи спасија повеќе животи откако нејзиното семејство ги донираше срцето, органите и коскеното ткиво.
„Премиерот Заев денеска оствари и кратка средба со Белчовска, на којашто разговараа за нејзиниот ангажман во Канцеларијата во Струмица. Премиерот Заев уште еднаш ја повтори огромната благодарност и восхит за одлуката органите на нејзината ќерка да бидат донирани и со тоа да спасат животи“,
велат од Владата.
- Три успешни трансплантации од починат донор: Можност за продолжување на животот во туѓ живот
- Верица даде уште една шанса за живот: Прва трансплантација на коска од починат донор
Преку премиерската канцеларија во Струмица, од владината прес-служба велат дека граѓаните ќе може да ги адресираат своите прашања, проблеми и предлози. На едноставен начин, тврдат, граѓаните од оваа и соседните општини ќе можат да закажат и средби со Заев, кои ќе се реализираат за време на викендите.
