Успешно е завршена и трансплантацијата на вториот бубрег кај 40-годишен пациент. Донор е 21-годишната Верица Белчовска, која загина во сообраќајна несреќа, а нејзиното семејство одлучи да ги донира органите
„Прво да изразам сочувство на фамилијата на Верица и благодарност што му го продолжија животот на синот. Мојот син успеа преку нејзините родители да добие срце. На мојот син му го продолжи животот. Тој од 6 јануари боледува со слабо срце и од тогаш се бараше донор. Разговараравме со синот, добар е сега. Голема благодарност до докторите и министерот за здравство“.
Вака, се обрати до јавноста, Цветко Стрезовски, татко на 22- годишниот Иле кој од ноќеска живее втор жиот, со срцето на починатата 21-гоодишната девојка чии родители ги донираа органите.
Ова е втора трансплантацијата на срце во втора во македонската историја.
Министерот за здравство Венко Филипче се заблагодари на семејството Белчовски за нивната храброст и хумана одлука.
За Иле, рече дека немал друга опција да го продолжи животот освен трансплантација, поради форма на болест која прави срцето слабо да пумпа, само 10 отсто, и не можело да се вгради вештачко срце.
Тој им се заблагодари на докторите Сашко Јовев и Жан Митрев за трансплантацијата н срце, на Сашо Дохчев и Ставридис за бубрезите, како и на сите оние кои работеле во позадина: рентгенолози, анестезиолози, нефролози, трансфузиолози…
И докторите Јовев и Митрев изразија благодарност до семејството на девојката- донор и задоволство што во една тешка година на борба со пандемијата и со тешки пациенти со ковид, не се оставени ниту оние на кои им се потреби вакви интервенции.
Втората трансплантација на бубрег беше потешка
Сашо Дохчев, од Клиниката за урологија, кој ја правеше и трансплантацијата и на вториот бубрег денеска, и на прес-конференцијата дојде директно од операционата сала, рече дека втората трансплантација била потешка, бидејќи бубрегот бил со природна аномалија и три артерии, што е реткост, но дека уште во текот на операцијата тој профункционирал и очекуваат дека се ќе биде добро и во вторито пациент.
Од понеделник на Клиниката за ортопедија ќе се трансплантираат коски и делови од меки ткива кај пациенти со ортопедски болести, откако аа првпат во историјата на македонското здравство на Клиниката за ортопедски болести е направена експлантација на коски и коскени ткива од починат донор.
Маја Мојсова – Мијовска, националниот координатор за трансплантација, која на оваа проблематика работи 7-8 години, вели дека станува збор за тешки и комплицирани процеси за кои се уште немаме систем за трансплантација кај нас, но се работи на тоа, бидејќи е мошне тешко да се направи таква програма.