Двата воза се движеле по трасата што го поврзува главниот град Мадрид со Севиља. Повикувајќи се на изјави од официјални лица, шпанскиот весник „Ел Паис“, објави дека во несреќата има најмалку 10 загинати, но нивниот број се очекува да биде многу поголем
Најмалку десет лица загинаа при судир на два брзи воза во Шпанија. Возовите на компаниите „Ренфе“ и „Ирио“ се судриле околу 9 часот по локално време на брзата пруга меѓу Мадрид и Севиља во централната покраина Толедо. Информацијата за несреќата ја објави државниот железнички оператор на Шпанија.
„Железничкиот сообраќај на брзата пруга Мадрид – Андалузија е во прекин поради судир меѓу два воза. Инцидентот се случил помеѓу местата Мора и Оргаз, при што се судриле воз на ‘Ренфе’ и воз на компанијата ‘Ирио’ – двата на релација Мадрид – Севиља. Сите возови на оваа линија моментално се запрени на станиците вдолж трасата“,
објави утринава железничкиот оператор на Шпанија.
⚠️Se encuentra interrumpida la circulación en la línea de alta velocidad Madrid-Andalucía por un alcance entre dos trenes.
— INFOAdif (@InfoAdif) October 28, 2026
Двата воза се движеле по трасата што го поврзува главниот град Мадрид со Севиља во јужната шпанска покраина Андалузија. Во возот на компанијата „Ренфе“ имало 397 патници, а во возот на „Ирио“ 146 патници.
Повикувајќи се на изјави од официјални лица, шпанскиот весник „Ел Паис“, објави дека во несреќата има најмалку 10 загинати, но нивниот број се очекува да биде многу поголем.
Шпанскиот премиер Педро Санчез објави дека е шокиран од сериозната несреќа.
„Шокиран сум од сериозната железничка несреќа во Толедо. Во постојан контакт сум со министерот за транспорт. Службите за итни случаи се на терен за да им помогнат на настраданите и да ја осигурат нивната безбедност, во координација со сите надлежни институции. Изразувам сочувство и поддршка за сите жртви и нивните семејства“,
напиша Санчез во објава на Икс.
Consternado ante el grave accidente de trenes en Toledo. Permanezco en constante contacto con el ministro de Transportes, @oscar_puente_, y con el presidente de Castilla-La Mancha, @garciapage. Los servicios de emergencia están trabajando sobre el terreno para atender a las personas afectadas y garantizar su seguridad, en coordinación con todas las administraciones implicadas. Mi cariño, solidaridad y apoyo a todas las víctimas y sus familias.
— Pedro Sánchez (@sanchezcastejon) October 28, 2026