Засега нема официјални информации за идентитетот на напаѓачот и за неговите мотиви
Маж со нож нападнал патници во воз во Германија, а при нападот има и жртви и неколку повредени, објави германските медиуми.
Нападот се случил во воз кој патувал на релација од Кил кон Хамбург односно пред да стигне на железничката станица во Брокштет.
Весниците „Билд“ и „Шпигел“ објавија дека убиени се најмалку две лица.
„Билд“ пишува и дека повредени се петмина, како и дека осомничениот е уапсен.
Според информациите на „Шпигел“, пак, напаѓачот бил на возраст од 20-30 години, а пријавата за нападот во полиција пристигнала во 14:55 часот.
Засега нема официјални информации за идентитетот на напаѓачот и за неговите мотиви.