Станува збор за артилериска граната со калибар 100 милиметри, тешка 13,6 килограми
Гранатата потекнува од Првата светска војна и била наменета за хаубица М14
Безбедно е отстранета неексплодирана артилериска граната на брегот на Дојранското Езеро, информираат од Дирекцијата за заштита и спасување (ДЗС).
Гранатата безбедно ја отстрани Зоран Пејев, пиротехничар во ДЗС.
„Станува збор за артилериска граната со калибар 100 милиметри, тешка 13,6 килограми, која била пронајдена на плажа на брегот на Дојранското Езеро“,
се вели во соопштението на Дирекцијата.
Според информациите од ДЗС, гранатата потекнува од Првата светска војна и била наменета за хаубица М14.
Оттаму посочуваат дека вакви неексплодирани убојни средства најчесто се пронаоѓаат во Дојранскиот, Гевгелискиот, Битолскиот и Охридскиот Регион.