Ова е третпат од почетокот на годинава да има дојави за бомби во земјава
Нови дојави за бомби денеска пристигнале во училишта во Скопје, но и во три трговски центри, Транспортниот центар (Железничката станица), комплексот „Џевахир сити“ и МРТВ.
Антитерористичките проверки се во тек.
„Денеска (08.02.2023) околу 13.20 часот во СВР Скопје било пријавено дека на електронските адреси на 12 средни училишта, како и на МРТВ, Транспортен центар, ГТЦ, ‘Џевахир сити’, ТЦ ‘Ист гејт’, ТЦ ‘Сити мол’ е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“,
соопштија од МВР.
Ова е третпат да има дојави за бомби од почетокот на 2023 година. Првпат имаше дојави на 3 февруари за во десет училишта во Скопје, а вторпат дојави беа испратени вчера во 47 основни и средни училишта.