Пред неколку дена, активисти од истата организација фрлија супа од домати врз сликата на Ван Гог во Националната галерија во Лондон, но не ја оштетија. Во неделата активистите го блокираа сообраќајот на еден лондонски булевар и фрлија боја врз излог на застапништво на производител на луксузни автомобили во центарот на Лондон
Двајца алпинисти и поддржувачи на организацијата „Сопрете ја нафтата“ (Just Stop Oil) рано утринава се искачија на два 84-метарски јарбола од мостот „Кралицата Елизабета Втора“ над реката Темза во Лондон, предизвикувајќи застој во сообраќајот и принудувајќи ја полицијата да го затвори мостот.
Со оваа акција тие побараа од властите да стават крај на увозот и производството на нафта.
„Како професионален градежен инженер, секоја година додека ја обновувам мојата регистрација, се обврзувам да постапувам во рамките на нашиот етички кодекс, кој бара од мене да го заштитам човечкиот живот и животната средина. Нашата влада донесе ‘самоубиствени закони’ за да го забрза производството на нафта: убивање човечки животи и уништување на нашата животна средина“,
рече градежниот инженер Морган Троуланд (39), стоејќи на еден од јарболите на мостот над Темза.
I'm willing to do this 'cos I'm not willing to sit back and see everything burn – Morgan, Civil Engineer
— Just Stop Oil ⚖️💀🛢 (@JustStop_Oil) October 17, 2022
Our corrupt politics is causing this disruption, it will end when gov #EndsNewOilandGas
Donate https://t.co/HBHsudWj6v#QEIIBridge #FreeLouis #FreeJosh #Soup pic.twitter.com/hly5HnUDS2
Пред неколку дена, активисти од истата организација фрлија супа од домати врз сликата „Сончогледи“ на Ван Гог во Националната галерија во Лондон, но не ја оштетија.
Активистките ги соблекоа јакните за да ги откријат маичките на кои пишува „Сопрете ја нафтата“ пред да ја истурат доматната супа врз уметничкото дело, кое е едно од највредните во галеријата.
„Што вреди повеќе, уметноста или животот? Дали вреди повеќе од храната? Повеќе од правдата? Дали сте повеќе загрижени за заштита на слика или за заштита на нашата планета и луѓе?“,
прашуваа активистките истурајќи ја супата врз сликата.
Од организацијата наведоа дека истурањето на супата врз познатата слика е израз на протест поради високите трошоци за живот и климатската криза.
Во неделата активистите го блокираа сообраќајот на еден лондонски булевар и фрлија боја врз излог на застапништво на производител на луксузни автомобили во центарот на Лондон.