Претседателката на Европската комисија, Урсула Фон дер Лајен, порача дека имала добар телефонски разговор со премиерот Димитар Ковачевски. Во објава на „Твитер“ таа напиша дека ја поздравува веста дека Северна Македонија и Бугарија се блиску до договор.
„Имав добар телефонски разговор со премиерот Ковачевски. Ги поздравувам вестите дека Северна Македонија и Бугарија се блиску до договор кој ги зема предвид интересите и грижите. Европската комисија е подготвена да го почне скринингот со Македонија и Албанија, како следен чекор на нивниот европскиот пат“
напиша Фон дер Лајен.
Good phone call with PM @DKovachevski
— Ursula von der Leyen (@vonderleyen) July 1, 2022
Welcome news that 🇲🇰 and 🇧🇬, with support of France, are close to an agreement which takes into account interests & concerns.@EU_Commission is ready to start the screening process for 🇲🇰 and 🇦🇱, the next step on their European path.
Вчера по прес-конференцијата на францускиот претседател Емануел Макрон, претседателот на Европскиот Совет, Шарл Мишел порача дека е време да се каже „да“ и дека се наѕира отворање на патот за пристапните преговори меѓу Северна Македонија и Европската Унија. Од официјален Берлин , пак , стигна порака дека земјава не треба да ја пропушти оваа шанса.