Претседателот на Европскиот Совет, Шарл Мишел оцени дека напорите на француското претседателство вродиле со плод и дека се наѕира отворање на патот за пристапните преговори меѓу Северна Македонија и Европската Унија. На својот твитер налог, Мишел веднаш по прес-конференцијата на францускиот претседател Макрон, пишива дека се дошло до решение кои ги зема предвид сите загрижености што биле изразени.
„Најблиску сме од кога било досега: Сега е време да се каже ‘да’, вели претседателот на Европскиот Совет,
Шарл Мишел.
Претседателот на Франција, Емануел Макрон, денеска од Мадрид извести дека по неколкудневни преговори е најдено компромисно решение за спорот меѓу Северна Македонија и Бугарија. Според него, се чекаат консултациите кои треба да се спроведат во Скопје, бидејќи бугарскиот претседател Радев и премиерот Петков веќе се изјасниле позитивно за новото компромисно решение.
Македонската Влада попладнето соопшти дека го добила официјалниот француски предлог и дека ќе отпочне најшироки консултации врз основа на кои ќе изгради конечен став. Документот, според Владата содржи идеи кои се однесуваат на нејзините јавно изнесени позиции и ставови.