Матичните доктори кон крајот на пролетта ќе добијат бонус доколку имаат бројка од над 70 проценти вакцинирани пациенти.
Министерот за здравство Венко Филипче информира дека сѐ уште е рано да се замислува за задолжителна вакцинација на вработените во земјава. Порача дека останува мерката матичните доктори да ги стимулираат своите пациенти за помасовна вакцинација и, според него, ова моментално е најпрактичната мерка.
„Засега нема да се спроведува мерката за задолжителна вакцинација бидејќи отвора многу сериозни прашања во однос на тоа како би се казнил оној што нема да сака да се вакцинира. Ќе видиме како ќе се движи опфатот на вакцинација преку оваа мерка со матичните лекари“,
изјави Филипче.
Кон крајот на пролетта и почетокот на летото матичните лекари кои ќе имаат над 70 проценти вакцинирани пациенти ќе добијат бонус од државата, а како што најави Филипче, станува збор за сума од 30 денари од пациент.