Министерот за здравство, Венко Филипче, вели дека вакцината на кинескиот производител „Синовак“ е ефикасна против ковид-19 и безбедна, а исто така е одобрена и од Светската здравствена организација (СЗО).
„Еве ги официјалните карактеристики на вакцината ‘Синовак’ објавени од СЗО – Инкативиран САРС-Ков2 вирус, потребни се две дози, втората доза од 14-28 дена по првата доза, високо ефикасна за превенција на тешка болест, се дава мускулно во рамо, препорачана за употреба кај бремени жени кога придобивките од вакцинацијата за бремената жена се поголеми од потенцијалните ризици. Препорачана за употреба кај доилки како и кај други возрасни лица“,
објави Филипче на Фејсбук.
Во текот на утрешниот ден од оваа вакцина ќе пристигнат 500 илјади дози во земјава.