Филипче уверува дека навремено ќе добиеме вакцина, првичната цел е да се вакцинира 20% од населението
Министерот за здраво, Венко Филипче, вели дека преку механизмот Ковакс на Светската здравствена организација (СЗО) ќе имаме рамноправен пристап до вакцината против ковид-19.
Во интервју за ТВ Клан тој вели дека целта на СЗО е да се достигне 20 проценти од населението да биде вакцинирано.
„Ковакс механизмот е механизам на СЗО којшто ќе обезбеди рамноправна дистрибуција на соодветна количина на вакцини согласно популацијата во одредени земји сè додека не се достигне 20 проценти од населението да биде вакцинирано. Во однос на активноста на ЕУ, тие потпишаа билатерален договор со компанијата Астра Зеника за земјите членки на ЕУ и ние добивме писмо со понуда од Полска преку полскиот амбасадор во нашата земја. Сакам да му изразам благодарност дека може да купиме соодветна количина од нивната, предвидена за нивната земја.“,
потенцира Филипче.
Тој изјави дека сè уште не се познати ниту количините, ниту каква ќе биде таа распределба по земји. Но, навремено ќе има пристап тогаш кога вакцините ќе бидат достапни.
„20 проценти е нешто што засега се смета дека за разумен процент да се вакцинира населението согласно сегашните сознанија. Во таа група од 20 проценти влегуваат постарите, хронично болните, децата итн. Има ризични групи коишто се први за вакцинирање секако ги следиме и новите сознанија и препораки“,
рече министерот.