Огромен дел од предлозите што ги дава опозицијата немаат никаква медицинска логика, рече Филипче и ја повика ВМРО-ДПМНЕ политиката да ја тргне настрана од кризата
Не се чувствувам одговорен, напротив. Од почетокот на кризата работиме многу професионално и никогаш не се обидовме да внесеме политиканство во било која од препораките и одлуките за справување со ковид-19, рече министерот за здравство Венко Филипче, коментирајќи ги повиците на ВМРО-ДПМНЕ која бара да си поднесе оставка.
Тој и порача на опозицијата да ја држи политиката настрана од кризата, посочувајќи дека партијата имала шанса да помогне во борбата со ковид-19, но не го направила тоа.
„Ги слушаме во јавноста предлозите што ги дава опозицијата и огроен дел од нив немаат никаква медицинска логика. Сакам да им порачам да ја држат политиката настрана од ова сериозно прашање. Имаа шанса да помогнат, но за жал одмогнаа и тогаш кога требаше да се потпише заемот. Сега сите 16 ковид центри ни доцнат. Да не се слушеше тогаш таа блокада од тогашната заменичка министерка за финансии, сега сите ковид центри ќе беа инсталирани во целата држава Еве и сега контиунирано одмагаат. Очигледно немаат чувство да го поддржат здравствениот персонал и здравството во целост“,
рече Филипче.