Европската агенција за лекови (ЕМА) даде зелено светло за користењето на лекот „ремдесивир“ за лекување на пациенти заразени со ковид-19.
Европскиот регулатор објави дека одборот дал препорака лекот „ремдесивир“ од калифорнискиот фармацевтски производител „Гилеад“ да се користи кај возрасни лица и деца на возраст од 12 години, дијагностицирани со пневмонија за чие лекување е потребно внесување на кислород.
Лекот кој првично беше развиен за лекување на Ебола, сега е предвиден да се користи за лекување на пациенти со коронавирус во земјите на ЕУ.
Условното одобрение за продажба во Европската унија дозволува терапијата да се продава кога се достапни сите податоци за дејството на лекот и неговите несакани ефекти, а „Гилеад“ мора да ги достави конечните податоци до декември.
Како што пренесуваат странските агенции, побарувачката за лекот се зголеми, бидејќи се покажа како ветувачки лек во клиничките испитувања. Лекот може да се инјектира во телото преку инфузија, и го нарушува циклусот на репродукција на коронавирусот во клетките на телото.
Студијата спроведена од ЕМА покажа дека пациентите со ковид-19 се опоравуваат во просек четири дена побрзо од другите пациенти.
„Гилеад“ очекува да произведе повеќе од два милиона дози до крајот на годината, двојно повеќе од првичната цел. Исто така, планира да започне поедноставни форми за примена, како инхалатор во споредба со интравенската.