„Еурактив“: Вашингтон го зголемува притисокот врз Софија за евроинтеграција на Скопје

Магазинот тука ја наведува изјавата на специјалниот пратеник на САД за Западен Балкан, Габриел Ескобар, за радио Слободна Европа и посетата на еврокомесарот за проширување Оливер Верхеjи вчера на Софија на средби со претседателот Румен Радев и министерот за надворешни работи Светлан Стоев, каде главна тема на средбите е бугарското вето за интеграција на Северна Македонија во ЕУ

САД го зголемуваат притисокот врз Бугарија, барајќи од неа да се откаже од ветото за интеграција на Северна Македонија во ЕУ и брзо да ја одобри преговарачката рамка за членство на Скопје во Унијата, пишува магазинот „Еурактив“.

Во написот се пренесува изјавата на американскиот заменик-помошник секретар за европски и евроазиски работи и специјален пратеник за Западен Балкан, Габриел Ескобар за радио Слободна Европа дека што побрзо треба да се најде компромис на билатералното прашање меѓу Софија и Скопје и да се деблокира евроинтеграцијата на Северна Македонија.

„Погрешно е Бугарија да користи билатерален спор за да ги запре аспирациите на Северна Македонија за членство во ЕУ. Тие го претвораат ова во мултилатерално прашање што не засега сите нас“,

вели Ескобар.

Според него, дадени се некои „добри решенија“ за решавање на прашањето и Вашингтон ќе продолжи да ја притиска Софија да се најде компромис. Ескобар, исто така, вели дека дека би сакал пристапните преговори со Северна Македонија и Албанија да почнат оваа година, додавајќи дека двете земји го заслужија тоа.Во контекст на изјавата на Ескобар, се посочува дека Вашингтон ја поддржува интеграцијата во ЕУ на Западен Балкан како начин за спречување на зголеменото влијание на Кина и Русија во регионот.

„Еурактив“ наведува и дека еврокомесарот за проширување Оливер Верхеjи вчера беше во Софија и се сретна со претседателот Румен Радев и министерот за надворешни работи Светлан Стоев. Главна тема на средбите е бугарското вето за интеграција на Северна Македонија во ЕУ.

Радев по средбата со Вархеји: Изјавите и ветувањата за дијалог од С Македонија повеќе не функционираат

Претседателот на ВМРО – бугарско национално движење и поранешен министер за одбрана во владата на Борисов, Красимир Каракачанов, денеска во интервју за „Епицентар“, бугарска информатичко-аналитичка интернет-платформа, вели дека Министерството за надворешни работи морало да реагира на изјавата на специјалниот пратеник на Вашингтон за Западен Балкан, Габриел Ескобар, а уште почудно е што ниту една од партиите застапени во парламентот не издаде соопштение, а молчат и новите таканаречени демократски протестни партии.

Каракачанов: Новата власт ќе потклекне под притисокот на САД и ќе дозволи С Македонија да влезе во ЕУ

Поврзани вести:

(ИНТЕРВЈУ) Шекеринска: Одлуката за почеток на преговори ќе се носи во ЕУ, но не е сеедно каква е позицијата на Вашингтон

Шекеринска се сретна со новиот американски претставник за Западен Балкан, Габриел Ескобар