Американскиот заменик-помошник секретар за европски и евроазиски работи и специјален пратеник за Западен Балкан, Габриел Ескобар, неодамна за радио Слободна Европа изјави дека што побрзо треба да се најде компромис на билатералното прашање меѓу Софија и Скопје и да се деблокира евроинтеграцијата на Северна Македонија, што магазинот „Еурактив“ го толкува како зголемување на притисокот врз Бугарија од страна на САД, барајќи од неа да се откаже од ветото за интеграција на Северна Македонија во ЕУ и брзо да ја одобри преговарачката рамка за членство на Скопје во Унијата
Министерката за одбрана Радмила Шекеринска неодамна при официјалната посета во Стејт департментот се сретна со новиот американски пратеник за Западен Балкан
Американскиот заменик-помошник државен секретар за европски и евроазиски прашања Габриел Ескобар на онлајн средба со бугарските медиуми изјави дека САД се надеваат оти Северна Македонија и Албанија ќе ги започнат преговорите за членство со ЕУ во текот на оваа година, јави МИА од Софија.
Ескобар нагласил дека САД се убедени оти Северна Македонија и Албанија направија важни, понекогаш и болни реформи, за да се придвижат кон членството во Европската Унија.
Затоа, според него, двете држави заслужуваат преговорите да ги започнат што е можно поскоро.
„Се надевам дека сите европски држави ќе ја разберат стратегиската важност од тоа да им дозволат на овие две држави да ги започнат преговорите за членство. Се надевам дека Европската унија, како и одделните земји членки, ќе ја осознаат стратегиската важност на европската интеграција на балканските држави“,
порачал Ескобар, пренесе МИА.
Американскиот заменик-помошник секретар за европски и евроазиски работи и специјален пратеник за Западен Балкан, Габриел Ескобар, неодамна за радио Слободна Европа изјави дека што побрзо треба да се најде компромис на билатералното прашање меѓу Софија и Скопје и да се деблокира евроинтеграцијата на Северна Македонија, што магазинот „Еурактив“ го толкува како зголемување на притисокот врз Бугарија од страна на САД, барајќи од неа да се откаже од ветото за интеграција на Северна Македонија во ЕУ и брзо да ја одобри преговарачката рамка за членство на Скопје во Унијата.
Претседателот на ВМРО – бугарско национално движење и поранешен министер за одбрана во владата на Бојко Борисов, Красимир Каракачанов, веднаш реагираше на оваа изјава на Ескобар, истакнувајќи дека Министерството за надворешни работи на Бугарија морало да реагира на неговата изјава и заклучува дека новата власт во Софија ќе потклекне под притисокот на САД и ќе дозволи С Македонија да влезе во ЕУ.
Министерката за одбрана Радмила Шекеринска неодамна при официјалната посета во Стејт департментот се сретна со новиот американски пратеник за Западен Балкан, Ескобар, на која, како што објави Министерството за одбрана, било заклучено дека местото на Западен Балкан е во ЕУ и дека новата американска администрација сака што поскоро да ја види Република Северна Македонија во преговарачкиот процес со Унијата.