Според наводите на локалните власти што ги пренесува Ројтерс, експлозијата се припишува на техничка грешка и се додава дека во инцидентот немало истекување на гас што би претставувало закана за јавната безбедност
Дел од постројките на Катар за преработка на гас и негов транспорт беа оштетени во нападите за време на војната меѓу Соединетите Американски Држави (САД) и Иран. Во нападите од страна на Иран, според агенцијата, се уништени околу 17 проценти од извозниот капацитет на течен природен гас на земјата, а поправките се очекува да траат со години
Педесет и четири лица се повредени, а 18 се водат како исчезнати по експлозија што синоќа се случила во клучен објект за преработка на течен природен гас (ЛНГ) во Рас Лафан во Катар, соопштиле тамошните власти, пренесе Ројтерс.
Инцидентот се случил за време на покренувањето на работата на постројката во индустрискиот град Рас Лафан, кога дошло до експлозија и пожар во локалната фабрика „Барзан“ вчера вечерта, соопшти „Катар енерџи“. Екипи за итни случаи веднаш биле распоредени на местото и, според извештаите, успеале да го стават пожарот под контрола.
Министерството за внатрешни работи на Катар соопштило дека во случајот се повредени 54 лица, додека 18 се водат како исчезнати и потрагата по нив е во тек.
Според наводите на локалните власти што ги пренесува Ројтерс, експлозијата се припишува на техничка грешка и се додава дека во инцидентот немало истекување на гас што би претставувало закана за јавната безбедност.
Во изјавата се додава дека меѓународниот тим за пребарување и спасување на Катар во соработка со единиците за цивилна заштита спроведуваат операции за потрага по исчезнатите.
Од „Катар енерџи“ не соопштиле дали експлозијата предизвикала штета на објектот што снабдува гас за домашниот пазар.
Сведок на инцидентот претходно за „Ројтерс“ изјавил дека се слушнала гласна експлозија во главниот град Доха, кој се наоѓа јужно од објектот во Рас Лафан.
Постројката за преработка на гас „Барзан“ кој е со огромен капацитет, преку цевковод ги снабдува со гас локалните индустрии и секторот за производство на електрична енергија во Катар.
Објектот се наоѓа во индустрискиот град Рас Лафан, главна локација на „Катар енерџи“ за производство и извоз на течен природен гас (ЛНГ), со вкупен капацитет на производство од 77 милиони метрички тони годишно.
Дел од постројките на Катар за преработка на гас и негов транспорт беа оштетени во нападите за време на војната меѓу Соединетите Американски Држави (САД) и Иран. Во нападите од страна на Иран, според Ројтерс, се уништени околу 17 проценти од извозниот капацитет на течен природен гас на земјата, а поправките се очекува да траат со години.