Од почетокот на отворањето на градинките во земјава, пред три дена, пријавени се два случаја на вработени позитивни на коронавирус – во градинката „Коца Василевска“ („Мајски Цвет“) во Битола и во „Раде Јовчевски Корчагин“ во Скопје., соопшти Министерството за труд и социјална политика.
Во првиот случај, контактирани се родителите на децата и изолирани се само децата од таа група кои ќе бидат под здравствен надзор до 23 септември. Согласно проценките на епидемиолозите, нема опасност за останатите групи од објектот и тие можат да продолжат со работа и примање на деца. Во домашна изолација се и други пет вработени во истата градинка до 15 односно 17 септември, од последниот контакт со заболената вработена во градинката.
Објектот и просторијата во градинката се дезинфицирани.
Во вториот случај се работи за вработена во градинка ,,Раде Јовчевски Корчагин“ во Скопје, која од 9 септември не е на работно место и нема контакт со прием на деца во период кога градинките почнаа со работа, прием на деца и згрижување. Согласно, препораката на епидемиолозите, каде е пријавен случајот, доколку до недела 13 септември не се пријават вработени со симптоми објектот може да продолжи да работи нормално од понеделник.
По престанување на траење на вонредна состојба, просториите во установата се дезинфицираат секојдневно по повеќе пати. Од градинката информираат дека до денес немаат пријавено друг вработен од истиот објект со симптоми на ковид 19.