„Две од децата се во тешка состојба. Едното сега е стабилизирано и е контактибилно, но ќе биде потребна операција. Во 9:00 часот детето ќе биде пренесено во Софија на детска хирургија, додека другото дете има трауматски шок и траума на горен екстремитет. Неговата состојба е малку влошена. Ќе се транспортира до ‘Пирогов’“, изјави службениот министер за здравство на Бугарија, Асен Меџидиев
Во меѓувреме, се формира амбулантна организација за носење на децата кои се во добра здравствена состојба до граница, од каде што ќе бидат преземени од српските власти
Две од децата повредени во синоќешната несреќа на автопатот „Тракија“ во Бугарија ќе бидат пренесени во болницата Пирогов во Софија, изјави службениот министер за здравство на таа држава, Асен Меџидиев.
„Две од децата се во тешка состојба. Едното сега е стабилизирано и е контактибилно, но ќе биде потребна операција. Во 9:00 часот детето ќе биде пренесено во Софија на детска хирургија, додека другото дете има трауматски шок и траума на горен екстремитет. Неговата состојба е малку влошена. Ќе се транспортира до ‘Пирогов’“,
рече Меџидиев.
Во болницата во Стара Загора има 14 лица од кои 12 се деца, а двајца возрасни. На еден возрасен, како што изјави министерот за здравство, му е ампутиран екстремитет.
Во меѓувреме, како што јави БГНЕС, се формира амбулантна организација за носење на децата кои се во добра здравствена состојба до граница, од каде што ќе бидат преземени од српските власти. Медиумот пренесе дека полицијата и обвинителството соопштија дека на возачот на автобусот му е одреден 24-часовен притвор по Законот за внатрешни работи. Се чека на истрагата.
Вчера околу 20 часот по локално време во правец на Софија, кај Стара Загора, автобус со српски регистарски таблички излета од автопатот „Тракија“ во Бугарија и се преврте во ендек. Во автобусот имало 38 деца и 11 возрасни. Децата биле учесници на фестивал во Несебар. Патувале од Несебар и се членови на фолклорниот ансамбл ЈУ-ЛИРА од Србија.
Министерот за здравство на Србија, Златибор Лончар во текот на ноќта замина во Бугарија за да ги посети повредените и со бугарските колеги да разговара за понатамошните чекори во нивното лекување и дали е потребна дополнителна помош за повредените.
Во текот на ноќта на местото на несреќата пристигнаа главниот обвинител на Бугарија, Иван Гешев и неговиот заменик Борислав Сарафов, кој е и директор на Националната истражна служба, за да се запознаат со текот на истрагата.
„За жал, имаме хронични проблеми и со патиштата и со ознаките на патиштата. Од обвинителството повеќепати ни е кажано дека имаме проблеми со возачите кои управуваат со моторни возила откако конзумирале алкохол и дрога“,
рече тој.
На таа магистрала пред два дена загинаа бремена жена и дете откако автомобил со турски регистерски талбички со кој се превезувале излетал од патот.