Основното јавно обвинителство – Скопје денеска поднесе предлози за издавање казнени налози против вкупно 20 лица за кривично дело непостапување според здравствените прописи за време на епидемија од член 206 став 1 од Кривичниот законик.
За 19 обвинети Обвинителството поведе постапка затоа што не ја почитувале Одлуката за забрана и посебен режим на движење на територијата на Северна Македонија и за време на полицискиот час. Тие биле затекнати како се движат на различни локации во градот.
Еден од обвинетите не ја почитувал наредбата за задолжителна самоизолација.
Обвинителството бара од Кривичниот суд во Скопје за секој од обвинетите да изрече парична казна во висина од 100 дневни глоби, а вредноста на една дневна глоба да биде определена на 20 евра во денарска противвредност.