Во несреќата се повредени се уште две лица
Дваесет и едногодишно момче од Прилеп загина во сообраќајната несреќа што вчера попладне се случи на регионалниот пат Прилеп-Битола.
Несреќата, како што соопштија од МВР, се случила меѓу товарно возило „волво“ со кавадаречки ознаки, со кое управувал К.И. (58) од Кавадарци, автомобил „рено 5“ со прилепски таблички управувано од С.С. (21) од Прилеп и автомобил „рено меган“ со ресенски регистарски ознаки, управувано од Г.И. (39) од Ресен.
„На местото на несреќата од здобиените повреди починал С.С., а лекар од Итната медицинска помош констатирал смрт. Возачот на товарното возило и неговиот сопатник З.П. (48) од Кавадарци се здобиле со телесни повреди, констатирани во Градската општа болница Прилеп“,
информираат од МВР.
Увидна екипа од ОВР Прилеп и јавен обвинител извршиле увид на местото на несреќата.
Поради несреќата, која се случи вчера околу 16 часот, патот беше времено затворен.