Бебето било невакцинирано, а детето со комплетна вакцинација
Од 10 до 16 јануари во земјава се регистрирани два нови случаи со голема кашлица. Заразени се петмесечно бебе и дете на возраст од четири години, двете од Скопје. Бебето било невакцинирано, а детето со комплетна вакцинација. Од Институтот за јавно здравје информираа дека двете деца се амбулантски лекувани.
Во претходниот седумдневен период не бил пријавен ниту еден случај на голема кашлица.
Од 2024 година досега, заклучно со 16 јануари, на територија на државата се регистрирани вкупно 1 176 лица заболени од голема кашлица, со инциденца од 64/100 000 жители. Од 18 јануари 2024 година до вчера, на територија на државава дадени се вкупно 94 822 дози вакцина против голема кашлица.