ВМРО – ДПМНЕ ниту ги потврдува ниту ги демантира написите на порталите на албански јазик „Лајм“ и „Тетова Сот“ дека со ДУИ се пред договор за влада со премиер Албанец.
Прашани за коментар, од партијата за „360 степени“ кратко одговорија:
„ВМРО-ДПМНЕ работи на формирање парламентарно мнозинство. Информации од непотврдени и непроверени извори нема да потврдуваме ниту да демантираме“,
велат од ВМРО-ДПМНЕ.
Уште пократок одговор добивме од Бујар Османи од ДУИ.
„Немам коментар“,
ни напиша Османи во СМС-порака.
Поралот „Лајм“, повикувајќи се на партиски извори, објави дека Али Ахмети и Христијан Мицкоски се согласиле дека прв премиер ќе биде Лазар Еленовски, кој ќе се декларира и за Албанец и за Македонец. На овој начин ДУИ ќе има образложение дека го реализирала барањето за премиер Албанец, а и во членството на ВМРО-ДПМНЕ нема да има револт, затоа што за Еленовски ќе биде јасно дека „изјавата дека е Албанец е само за потребите на дневната политика“.
Порталот „Тетова Сот“, пак, напиша дека, според нивните извори, со договорот ВМРО-ДМПНЕ се согласила со партијата на Али Ахмети да му се дадат две години на премиерот на ДУИ и две на оној на ВМРО-ДПМНЕ.