Германските венсици зачестено објавуваат наслови кои упатуваат на тоа дека нов извор на коронавирусот е Балканот, пишува Дојче Веле.
Според тоа, тврдењата се дека вирусот го носат повратници од балканските држави.
„Косово, Србија, Хрватска- пред се оние кои по одморот доаѓаат од земјите на југоисточна Европа го носат вирусот во Германија“,
пишува весникот Хамбургер абендблат.
Весникот цитира податоци од Институтот Роберт Кох според кои од 27 до 30 календарска недела (првите четири недели на јули) во Германија се евидентирани 7,977 нови случаи на зараза.
Според тие податоци, 303 случаи дошле од Косово, 242 од Србија, 70 од Турција, 67 од БиХ, 36 од Романија, 29 од Хрватска, 27 од Бугарија и 25 од Северна Македонија.
Ова покажува дека повеќе случаи се заразиле во Германија.
Весникот „Велт“ пак со наслов „Балканска корона-рута“ се фокусира на Косово и Србија од каде неодамна една истражувачка сторија откри дека властите можеби не ги соопштуваат вистинските бројки на заразени и жртви од коронавирусот.
За увезен корона-случај објави и радиото „Мој Дортмунд“ образложувајќи дека семејство кое било на одмор во Србија го донесле вирусот во Германија.