Основните јавни обвинителства во земјава од 17 март заклучно со денеска обвиниле вкупно 526 граѓани кои ги прекршиле мерките на власта за превенција од коронавирусот, како што се непочитување на наредбите за самоизолација, движење во време на полициски час, послужување гости во ресторани и кафулиња…
За речиси сите обвинети обвинителствата барале судот да им определи парични казни.
Најголем дел од обвинетите граѓани ги гони обвинителството во Скопје – 178.
Ако се погледне статистика за обвинитествата според градови, ситуацијата со обвинети граѓани излегда вака: Штип – 15, Велес – 25, Делчево – 18, Радовиш – 22, Берово – 4, Свети Николе – 8, Охрид – 5, Кичево – 1, Ресен – 9, Струга – 4, Кочани – 30, Дебар – 9, Прилеп – 29, Куманово – 24, Битола – 47, Струмица – 2, Гостивар – 35, Гевгелија – 26, Кавадарци – 35.
Сите предмети се однесуваат за кривичните дела од членовите 205 или 206 од Кривичниот законик, како и по пријави за непочитување на мерки.
Членот 205 е за пренесување заразна болест, а 206 за непостапување според здравствените прописи за време на епидемија.
