Со оваа активност се создаваат услови за реализација на надлежностите, правата и обврските на ДКСК и ДЗР во вршењето надзор и ревизија на изборната кампања
Државниот завод за ревизија, Државната комисија за спречување на корупцијата и Клириншка куќа КИБС денеска потпишаа Меморандум за заедничка соработка и Протокол за размена на податоци.
Меморандумот е во согласност со одредбите од Законот за спречување на корупцијата и судирот на интереси и Законот за државната ревизија, за обезбедување на потребните податоци од Единствениот регистар на трансакциски сметки (ЕРТС) за потребите на вршењето надзор над извршените трансакции во изборната кампања.
Со оваа активност се создаваат услови за реализација на надлежностите, правата и обврските на ДКСК и ДЗР во вршењето надзор и ревизија на изборната кампања.
Со потпишаниот Протокол се обезбедуваат услови за размена на податоци со кои се регулира опфатот на податоци, роковите на достава, каналите за размена на податоците и други технички и технолошки карактеристики на безбедната размена на податоците.