Хејнс додаде дека Путин најверојатно нема да нареди употреба на нуклеарно оружје освен ако државата не се соочи со „егзистенцијална закана“
Претседателот на Русија Владимир Путин може да нареди воена состојба во Русија за да ги поддржи неговите амбиции во Украина, изјави денеска директорката на Националното разузнавање на САД, Еврил Хејнс.
„Целите на Путин се поголеми од руските воени капацитети, а тоа ‘веројатно значи дека следните неколку месеци би можеле да вдиме движење во понепредвидлива и потенцијално ескалаторна траекторија’. Сегашниот тренд ја зголемува веројатноста претседателот Путин да се сврти кон подрастични средства, вклучително и воведување воена состојба, преориентирање на индустриското производство или потенцијално ескалаторни воени опции за да ги ослободи ресурсите потребни за да ги постигне своите цели“,
рече Хејнс на сослушувањето во Сенатот.
Хејнс додаде дека Путин најверојатно нема да нареди употреба на нуклеарно оружје освен ако државата не се соочи со „егзистенцијална закана“.