Овие мерки се соодветен одговор на економските предизвици и неизвесностите со кои се соочуваат сите држави на меѓународните пазари на енергенси. Како Влада и Министерство за финансии, обезбедуваме стабилност и предвидливост, намалување на инфлаторните притисоци, поддршка на економијата и зачувување на стандардот на граѓаните, соопшти министерката
На вонредна седница Владата донесе одлука за продолжување на мерките насочени кон ублажување на ценовните притисоци и заштита на животниот стандард на граѓаните до 1 јуни, соопшти министерката за финансии Гордана Димитриеска-Кочоска на својот профил на Фејсбук.
Со одлуката, продолжува примената на намалените акцизите на горивата, како и на ДДВ за бензините од 18 на 10 отсто.
„Овие мерки се соодветен одговор на економските предизвици и неизвесностите со кои се соочуваат сите држави на меѓународните пазари на енергенси. Како Влада и Министерство за финансии, обезбедуваме стабилност и предвидливост, намалување на инфлаторните притисоци, поддршка на економијата и зачувување на стандардот на граѓаните“,
објави Димитриеска-Кочоска.
Претходната владина одлука за намалување на акцизите на горивата и на ДДВ за бензините од 18 на 10 отсто важеше до 18 мај. Со продолжувањето на рокот и во наредните две недели се очекува горивата да се продаваат по пониски цени.
До понеделник важи и попустот што ОКТА го дава на најголем дел од бензинските станици во земјава – три денари за продаден литар дизел-гориво и два за бензините.