Граѓаните да излезат да гласаат, исполнети се сите услови за безбедно гласање, апелираат од Државната изборна комисија (ДИК).
„Апелирам граѓаните да излезат утре и да гласаат и да бидат сигурни дека се исполнети сите услови за безбедно гласање, пред сè за нивното здравје и за здравјето на сите што учествуваат во организација на овој процес. Да ги почитуваат препораките и процедурите, како од нас така и од здравствените власти се со цел заштита на овој процес, а и заштита на нивното здравје“,
рече претседателот на ДИК, Оливер Дерковски.
Денешниот е ден за гласање на болните и немоќните, лицата во домовите за возрасни, затворениците и притворените.
Вкупниот број на граѓани кои имаат право на глас денеска е 8 855, а до 15 часот гласале 7.170 лица. Од ДИК околу 21 часот треба да соопштат како поминал денешниот изборен ден.