Државната изборна комисија на денешната седница го отфрли приговорот на Никола Димитров, носител на кандидатска листа во ИЕ 1 на СДСМ поднесен за попречување на изборна кампања за настанот кога портпаролот на ВМРО-ДПМНЕ Наум Стоилковски, му упадна на прес-конференцијата на Димитров во рамки на предизборните активности.
Димитров бараше Стоилковски да биде парично казнет, со меѓу шест и две илјади евра.
ДИК, како што соопшти членот Елизабета Постолоска е ненадлежна за ова и упати Димитров приговорот да го поднесе до Основниот суд.
Настанот се случи на 30 јуни, кога Димитров одржуваше прес-конференција пред зградата на Обвинителството по повод почетокот на примената на новиот Закон за јавно обвинителство. Портпаролот на ВМРО-ДПМНЕ Наум Стоилковски се обиде да го прекине во изјавата и довикуваше дека лидерот на СДСМ давал „црни пари за референдумот“, алудирајќи на една од новите „бомби“.