Дваесет и тригодишната С.А.С. од Кочани на својот профил на Фејсбук напишала дека е заразена од коронавирус и ги повикала сите своите познајници да се тестираат.
Според информациите на надлежните, таа воопшто не била тестирана за коронавирус, а со својата објава предизвикала паника.
Како што информира МВР, против неа е поднесена кривична пријава за непостапување според здравствените прописи за време на епидемија, предвидено по чл. 206 од Кривичниот законик.
„Пријавената на 31.3.2020 година во 16.14 часот на својот Фејсбук профил објавила лажна вест дека е заразена со коронавирус и ги повикувала сите што биле во контакт со неа да се тестираат за ковид-19, иако таа не била тестирана“,
информира МВР.