Министерката за правда Рената Треневска-Дескоска се вклучи во јавната дебата околу дилемата која што ја отвори пратеничката на ВМРО-ДПМНЕ, Гордана Силјановска-Давкова, за тоа дали Собранието е конституирано со верификација на мандатите на пратениците или со изборот на парламентарен спикер. Таа смета дека за тоа прашање нема потреба да се се спори, односно дека е апсолвирано.
„Мандатот на пратениците, согласно Уставот, тече од конститутивната седница. Не може пратениците да имаат мандат во неконституирано Собрание. Собранието е веќе конституирано на конститутивната седница“,
е оценката на Треневска-Дескоска.
Таа укажува дека во, како што го нарекува, „демократскиот“ деловник на Собранието од 2002-та било прецизирано дека Собранието се смета за конститурано „ако на седницата се верификувани мандатите на две третини од избраните пратеници“, додека, во според неа „насила донесениот, ретрограден деловник од 2008-та“, изгласан во услови на бојкот на опозицијата, таа одредба е избришана.
Но, како што појаснува, Уставот во чл. 63 е експлицитен и според него, мандатот на пратениците го верифицира Собранието и тој почнува да тече од конститутивната седница.
Треневска-Дескоска препорачува, Собранието сериозно да го „препрочита” деловникот и да донесе нов текст во кој ќе бидат отстранети сите небулози и недоречености.