Десетина закони со европско знаме во собраниската агенда за вторник

Во агендата за оваа седница засега има 43 закони, од кои речиси една четвртина би требало да се носат како дел од европските директиви, додека опозицијата најавува бојкот

Десетина закони досега се обележани со европско знаме во дневниот ред за новата собраниска седница, прва по летните одмори на пратеницире, што треба да почне во вторник.

Во агендата за оваа седница засега има 43 закони, од кои речиси една четвртина би требало да се носат како дел од европските директиви. Собранието, во почетокот на новата седница, треба да го утрди конечниот дневен ред, а во меѓувреме опозицијата најави блокада на работата на парламентот доколку, како што велат од ВМРО-ДПМНЕ продолжи злоупотребата на европското знаменце за донесување на одредени закони што би можеле да се донесат и во редовна постапка.

ВМРО-ДПМНЕ најави блокада на Собранието ако власта не повлече 12 закони со европско знаменце

Според дневниот ред што денеска е достапен на сајтот на Собранието, со европско знаме се обележани неколку закони за управување со отпад: Дополнет предлог- закон за управување со отпадот, во второ читање; Дополнет предлог- закон за проширена одговорност на производителот за управување со посебните текови на отпад, второ читање, Дополнет предлог-закон за управување со пакување и отпад од пакување, второ читање; Дополнет предлог-а закон за управување со дополнителни текови на отпад, второ читање.

ЛДП за гласањето за законите за управување со отпад: Сакаме да се слушнат мислењата на сите чинители, не е надгласување

Со европско знаме е обележан и предлог-законот за изменување и дополнување на Законот за воведување на систем за управување со квалитетот и заедничката рамка за процена на работењето и давањето на услуги во државната служба, второ читање. Во прво читање, со европско знаме, пак се: Предлог-закон за лекови; Предлог- закон за контрола на опојни дроги и психотропни супстанции: Предлог-закон за парнична постапка; Предлог- закон за исплата на паричен надоместок на жртви од кривични дела со насилство, Предлог- закон за изменување и дополнување на Законот за минерални суровини.

Постапката за донесување на т.н. европски закони е поедноставена и, главно, оди преку Комисијата за европски прашања, а амандманската расправа е ограничена на два дена, така што многу помали се шансите за амандмански блокади.

Мицкоски ја повика меѓународната заедница да ја спречи Владата „шверцерски да носи закони“