Победата на Студентската листа на парламентарните избори во Србија предизвика бројни реакции во регионот и во Европа, чии лидери на социјалните мрежи упатија честитки со поддршка и очекувања за ново поглавје во односите меѓу земјите, зајакнување на соработката и зачувување на стабилноста на регионот
Во Србија вчера се одржаа парламентарни избори, по речиси две години масовни студентски и граѓански протести, во кои Студентската листа освои убедливо мнозинство. Носителот на листата „Александар Вучиќ – Обединета Србија“, го призна изборниот пораз. На улиците низ Белград и останатите српски градови до доцна во ноќта се прославуваше победата на Студентската листа.
Победата на Студентската листа на парламентарните избори во Србија предизвика бројни реакции во регионот и во Европа, чии лидери на социјалните мрежи упатија честитки со поддршка и очекувања за ново поглавје во односите меѓу земјите, зајакнување на соработката и зачувување на стабилноста на регионот.
Црногорскиот претседател, Јаков Милатовиќ, им честиташе на Студентската листа за изборната победа, оценувајќи дека резултатот отвора можност за унапредување на односите меѓу Црна Гора и Србија.
„Убеден сум дека овој изборен резултат ќе отвори ново поглавје во односите меѓу Црна Гора и Република Србија, засновано на пријателство, искрен дијалог и посветеност на заедничка европска иднина“,
напиша тој на Икс.
Čestitam Studentskoj listi na izbornoj pobjedi, a građanima Republike Srbije na jasno iskazanoj demokratskoj volji. Uvjeren sam da će ovaj izborni rezultat otvoriti novo poglavlje u odnosima Crne Gore i Republike Srbije, zasnovano na prijateljstvu, iskrenom dijalogu i posvećenosti zajedničkoj evropskoj budućnosti.
— Jakov Milatovic 🇲🇪🇪🇺 (@JakovMilatovic) October 25, 2026
И црногорскиот премиер Милојко Спајиќ им ја честиташе победата на претставниците на Студентската листа, оценувајќи дека Црна Гора и Србија се соочуваат со можност за нова фаза во меѓусебните односи.
„Овој ден во Србија е живописен потсетник дека волјата на граѓаните и нивното право слободно да одлучуваат за својата иднина се основа на секоја демократска промена“,
напиша тој на Икс.
Današnji dan u Srbiji slikovit je podsjetnik da su volja građana i njihovo pravo da slobodno odlučuju o svojoj budućnosti temelj svake demokratske promjene. Čestitam predstavnicima Studentske liste i čvrsto vjerujem da je pred Crnom Gorom i Srbijom novo poglavlje, zasnovano na uvažavanju i otvorenom dijalogu, bez nepotrebnog podizanja tenzija. Građani obje države zaslužuju odnose koji će se mjeriti konkretnim rezultatima saradnje, a ne dubinom diplomatskih nesporazuma.
— Milojko Spajić (@MickeySpajic) October 25, 2026
Според него, важно е односите меѓу двете земји да се градат преку соработка и конкретни резултати, а не да бидат оптоварени со дипломатски недоразбирања.
„Граѓаните на двете земји заслужуваат односи што ќе се мерат со конкретни резултати од соработката, а не со длабочината на дипломатските недоразбирања“,
порача црногорскиот премиер.
Честитки за победата упати и унгарскиот премиер Петер Маѓар, кој соопшти дека телефонски разговарал со лидерите на Студентската листа и им ја изразил поддршката на Унгарија.
„Тукушто разговарав по телефон со лидерите на Студентската листа, која победи на изборите во Србија, за да им ја честитам победата. Ги уверив во поддршката на Унгарија“,
напиша Маѓар.
Му било драго, како што вели, да слушне дека победата на неговата политичка опција во април им дала сила на студентите во нивната борба.
100 napja kezdte meg a munkáját a TISZA-kormány. Íme egy rövid számadás az elért eredményekről. Kérlek látogassatok el az eredményeket bemutató honlapra, és osszátok meg a videót, hogy minden magyarhoz eljusson! Isten éltesse Magyarországot! https://t.co/ugnhhCYNMv
— Magyar Péter (Ne féljetek) (@magyarpeterMP) August 19, 2026
Поддршка за Србија изрази и премиерот на Република Српска, Саво Миниќ, кој на Студентската листа ѝ посака успех во преземањето на одговорноста за иднината на земјата.
„Силна и стабилна Србија е столб на Република Српска и важен фактор во мирот и напредокот на целиот регион“,
напиша тој на Икс.
Честитки упати и српската членка на Претседателството на Босна и Херцеговина, Жељка Цвијановиќ, која им посака на Србија и нејзините граѓани продолжување на патот кон развој и просперитет.
„Им честитам на сите други политички актери, како и на граѓаните на Србија, за покажаниот демократски капацитет. Република Српска останува фокусирана на Србија, со желба нашите односи, како и соработката, да бидат на највисоко можно ниво во иднина“,
вели таа.
Честитки за Студентската листа упати и претседателката на Европската комисија, Урсула фон дер Лајен, посочувајќи граѓаните на Србија вчера излегле во рекорден број за да одлучат за иднината на својата земја.
„Подготвени сме да ги поддржиме реформите во областа на владеењето на правото, слободата на медиумите, борбата против корупцијата и зајакнувањето на демократските институции, како и да соработуваме за унапредување на иднината на Србија во Европската Унија“,
напиша таа на Икс.
Today, the people of Serbia turned out in record numbers to shape their country’s future. Congratulations to the Student List on its victory in the parliamentary elections. We stand ready to support reforms on the rule of law, media freedom, the fight against corruption and strong democratic institutions, and to work together to advance Serbia’s future in the European Union. @eucopresident
— Ursula von der Leyen (@vonderleyen) October 25, 2026
Генералниот секретар на Советот на Европа, Ален Берсе, им честиташе на победниците во Србија, поздравувајќи ја, како што наведе, подготвеноста на поранешниот претседател Александар Вучиќ да го прифати изборниот резултат и да се заложи за мирна демократска транзиција.
„Советот на Европа е подготвен да соработува со демократски избраното раководство на Србија за зајакнување на човековите права, демократијата и владеењето на правото. Вашата упорност, енергија и посветеност на европските принципи и иднината на Србија ве доведоа до оваа точка. Можете да сметате на нашата поддршка“,
напиша Бeрсе на Икс.
Congratulations to the Student List of Serbia on your electoral result. Serbian citizens have made their democratic choice. We welcome former President Vučić’s acceptance of the result and commitment to a peaceful democratic transition. Council of Europe stands ready to work with Serbia’s democratically elected leadership to strengthen human rights, democracy and the rule of law. Your perseverance, energy and commitment to European principles and Serbia’s future have brought you this far. You can count on our support. @MFASerbia @SRBinCoE
— Alain Berset (@alain_berset) October 25, 2026
Претседателката на Европскиот парламент, Роберта Мецола, ѝ честиташе на Студентската листа за изборната победа.
„Охрабрувачки е да се види рекордната излезност во Србија. Благодарна сум им на членовите на Европскиот парламент и на целата делегација што ги набљудуваше изборите на терен. Европскиот парламент останува посветен на поддршката на процесот на реформи во Србија, додека таа го продолжува своето европско патување“,
напиша Мецола.
Congratulations to Serbia’s Student List for their electoral victory. Encouraging to see the record turnout in Serbia. Grateful to the Members of the European Parliament and all the delegation on the ground observing the election. The @Europarl_EN remains committed to supporting Serbia’s reform process as it continues on its European path 🇪🇺🇷🇸
— Roberta Metsola (@EP_President) October 26, 2026
Еврокомесарката за проширување Марта Кос на Икс напиша дека по речиси две години протести за демократија, владеење на правото и борба против корупцијата, граѓаните на Србија излегоа на изборите во историски голем број.
„Честитки до Студентската листа за победата! Овие вредности се во срцето на Европската Унија. За Србија може да започне ново поглавје. Вратата кон ЕУ е отворена и подготвени сме заедно да продолжиме напред“,
вели Кос на Икс.
Dear Serbia, you have made your voice heard! After nearly two years of protests for democracy, the rule of law and the fight against corruption, Serbians turned out in historic numbers. Congratulations to the Student List on your victory! These are the very values at the heart of our European Union. A new chapter can begin for Serbia. The door to the EU is open, and we are ready to move forward together.
— Marta Kos (@MartaKosEU) October 25, 2026
Победата на Студентската листа ја поздравија и претставници на европските политички партии. Копретседателите на Европската зелена партија, Вула Цеци и Киран Куфе, им честитаа на Студентската листа и на граѓаните кои се мобилизирале за одговорност, демократија и иднина без корупција.
Тие ја повикаа Европската Унија да го поддржи зајакнувањето на владеењето на правото, обновувањето на демократските институции и борбата против корупцијата.
„На Србија ѝ е потребен кредибилен и забрзан пат кон приклучување кон ЕУ, заснован на вистински демократски реформи. За европските зелени, местото на Србија е во Европската Унија“,
порачаа Цеци и Куфе.
Хрватскиот европратеник Тонино Пицула, од редовите на европските социјалисти и известувач на Европскиот парламент за Србија, оцени дека граѓаните на Србија јасно ја изразиле својата волја за иднината на земјата.
„Евалуацијата на изборниот процес треба да им се остави на набљудувачите, но волјата на гласачите заслужува целосно почитување. Сега е време за владеење на правото, реформи и институции што им служат на сите граѓани. Тоа треба да биде патот кон ЕУ“,
рече тој.
Победата ја поздрави и хрватската партија Можемо, која е дел од власта во Загреб, оценувајќи дека изборниот резултат претставува важен момент за демократијата во Србија и можност за нов почеток.
„По речиси две години студентски протести и граѓанска борба, Србија ѝ кажа на изборите доста на долгогодишната влада на Александар Вучиќ“,
објави партијата на социјалните мрежи.
Од „Можемо“ наведоа дека претстои период во кој треба да се обноват независните институции, да се зајакне владеењето на правото, да се обезбеди слобода на медиумите и да се интензивира борбата против корупцијата.
„Србија сега има голема работа пред себе. Се надеваме на мирна и ненасилна транзиција“,
се наведува во соопштението на партијата.
Честитки пристигнаа и од Соединетите Американски Држави (САД)
Републиканскиот конгресмен Џо Вилсон им ја честиташе победата на граѓаните на Србија, особено на студентите, истакнувајќи ја нивната улога во борбата за владеење на правото.
„Американците им испраќаат срдечни честитки на народот на Србија по повод тешко добиената изборна кампања, а особено на студентите кои покажаа историска решителност и патриотизам во нивната мисија да го вратат владеењето на правото во нивната земја“,
напиша Вилсон на Икс.
„Сега започнува тешката работа. Едвај чекам обновени односи меѓу Србија и САД! Бог да ја благослови Србија“, додаде американскиот конгресмен.