Земјава се наоѓа во портокалова фаза на опасност од високи температури поради што се издадени и препораки за заштита на населението
Денеска се очекува да има мала до умерена облачност и ветер, но времето повторно ќе биде многу топло.
Според прогнозите од УХМР, утринската температура ќе биде од 16 до 24 степени, а дневна од 34 до 41 степени.
Во Скопје се очекува максималната температура да достигне до 37 степени.
Земјава се наоѓа во портокалова фаза на опасност од високи температури која се очекува да се задржи и наредните денови и од тие причини Владата издаде препораки за ослободување од работа на бремените жени и возрасните лица над 60 години доколку не може нивните работни ангажмани да ги извршуваат онлајн. Во градинките се препорачува децата да не се изнесуваат на отворено од 11 до 17 часот, а во истиот период препорачано е и да не се работи на отворено, посебно во градежниот сектор.