МИА од Атина повикувајќи се на дипломатски извори јави дека грчкиот министер за надворешни работи му испратил допис на шефот на нашата дипломатиј Османи
Министерот за надворешни работи на Грција Никос Дендиас, по повод учеството на нашата фудбалска репрезентација на Европското фудбалско првенство, испратил писмо до министерот Бујар Османи употреба на кратенката „НМ“ или „РНМ“ наместо „МКД“, брифираат грчки дипломатски извори, јави МИА од Атина.
Според дипломатските извори од Грција, Дендиас во дописот пишува дека иако во Договорот, како што е предвидено во член 1, параграф 3, точка е, кодот за името Северна Македонија во Меѓународната организација на стандардизација (ИСО), останува „МКД“, „употребата на конкретниот акроним на ЕУРО2020 не е прифатлив од Грција“.
„Северна Македонија мора да користи акроним што одговара на нејзиното име, како што е „NM“ (North Macedonia) или алтернативно „RNM“ (Republic of North Macedonia)“,
велат дипломтските извори на кои се повикува МИА, кои сметаат дека ова е во рамки на меѓународната практика на целосното имплементирање на договорот, како и обидите за одржување на позитивна динамика во билатералните односи.
Дополнително, во писмото Дендиас истакнал дека треба да се реши и прашањето со промена на името на Фудбалската федерација, но и побарал Османи да интервенира за решавање на овие прашања во рамките на добрососедските односи.
Османи вчера рече дека Фудбалската федерација на Македонија (ФФМ) нема обврска да го менува името односно да додава „Северна“ согласно Преспанскиот договор.