Американските демократи ги освоија двете места во Сенатот во клучниот втор круг на изборите во Џорџија, што значи дека партијата ја презема контролата врз горниот дом на Конгресот.
Демократскиот кандидат Џон Ософ го победи републиканскиот противкандидат, Дејвид Пердју. Со неговата, но и со победата на Рафаел Варнок, односот на силите во Сенатот е 50-50. Пресудниот глас ќе го има потпретседателката Камала Харис, која по функција претседава со горниот дом, со што демократите ќе ја преземат контролата врз Сенатот, објавуваат американските медиуми. Потпретседателот, во принцип, нема право на глас, освен во случај на изедначено гласање.
Ова е прв пат демократите да ја имаат контролата врз Сенатот од 2015 година.