Демократијата ни ја крадат пред очи! Ова лудило мора да запре, порачаа од граѓанската иницијатива „Зелен хуман град“, откако измените во Изборниот законик со кои меѓудругото се зголемува бројот на потписи за независни кандидати, експресно се најдоа на собраниска седница
Од „Зелен хуман град“ уште еднаш го повикаа претседателот Стево Пендаровски, доколку измените го поминат собранискиот филтер, да не става потпис на новото законско решение.
„Во моментов во Собрание на дневен ред е срамниот закон за исклучување на независните кандидати од изборниот процес. Овој закон во ваква форма (со прагот од 2% за независни листи) не е ни разгледан во работните групи, даден им е на пратениците во 14 и 30, а половина час подоцна е веќе на седница. Демократијата ни ја крадат пред очи! Ова лудило мора да запре, претседателот Стево Пендаровски не смее да го потпише овој закон ако биде донесен, а сегашните прагови мора да бидат намалени, наместо зголемени! Седницата е во моментов прекината, очекуваме апдејт“,
напишаа од „Зелен хуман град“ на својата страница на Фејсбук.