Пендаровски: Потребен е помал праг за независните кандидати

Пендаровски смета дека треба да се предвиди понизок праг со цел да се овозможи поголемо учество на граѓаните во изборниот процес

Претседателот Стево Пендаровски смета дека треба да се почитува препораката на ОБСЕ/ОДИХР и непосредно пред избори да нема менување на изборните правила. Тоа го наведуваат од Кабинетот на претседателот на државата Стево Пендаровски за Радио Слободна Европа на прашањето поврзано со најавените измени на Изборниот законик.

Доколку пак има измени, Пендаровски смета дека треба да има помал праг од 2 отсто за учество на изборите на независни листи.

Апсурдите на измените во Изборниот законик: Повеќе потписи за учество на избори, отколку гласови за мандат

„Доколку сепак во овој педиод се оди со измени, став на претседателот е, тоа да биде со поширок политички и општествен консензус постигнат, не само меѓу власта и опозицијата, туку и со релевантните организации од граѓанскиот сектор. Во врска со најавениот Предлог за измена и дополнување на Изборниот законик, во делот кој би пропишал независните советнички групи да треба да соберат потписи од два проценти од вкупниот број избирачи запишани во една општина, претседателот Пендаровски смета дека треба да се предвиди понизок праг со цел да се овозможи поголемо учество на граѓаните во изборниот процес“,

наведуваат од Кабинетот на Пендаровски.

До Пендаровски беше испратено писмо од повеќе организации и поединци предводени од граѓанската иницијатива „Зелен хуман град“, во кое побараа од претседателот да не става потпис на законските измени.

Да прогласиме вонредна состојба, рече пратеникот Трајанов откако измените на Изборниот законик експресно се најдоа на собраниска седница