Јотова ќе отвори нов клуб на бугарскиот културен центар „Иван Михајлов“, ќе го посети детскиот центар за сеца со аутизам во Охрид, а ќе гостува и на отворањето на канцеларија на здружението „Хоризонти“
Потпретседателката на Бугарија, Илијана Јотова, ќе престојува во посета на Северна Македонија на 16 и 17 април.
Како што јавија бугарските медиуми, на покана на бугарскиот Културен центар „Иван Михајлов“, таа ќе го отвори новиот клуб на ова здружение во земјава.
Според агендата, Јотова ќе биде во посета на Охрид, каде што ќе го посети Дневниот центар за деца со аутизам, кој е проектот е финансиран од бугарската Влада како дел од програмата на бугарското Министерство за надворешни работи „Бугарска помош за развој“.
Јотова ќе биде гостинка и на отворањето на канцеларија на Здружението за толеранција и соработка „Хоризонти“.