Македонското министерство за одбрана доби донација од Бугарија, во знак на солидарност во борбата против ширењето на пандемијата на ковид-19. Донацијата која се состои од сто заштитни одела и маски за повеќекратна употреба е од бугарското Министерството за одбрана.
„ Заштитната облека може да се користи до 50 пати, што значи до 5 000 работни дена за медицинските лица во првите борбени линии. Илија Налбатанов, началникот на кабинетот на бугарскиот министер за одбрана, ја врачи донацијата на високи претставници од Министерството за одбрана на Северна Македонија, денеска напладне на граничниот премин ‘Деве Баир’“,
информираат од амбасадата на Бугарија во Скопје.
Донацијата, како што стои во соопштението, е почеток на претстојните донации од Бугарија за нашата земја, како знак на блискоста на двете држави и на европската и евроатлантска солидарност.