Бугарските парламентарни и претседателски избори в недела се исклучително важни за нашите амбиции, но и за амбициите на САД и Европската Унија за Софија да ја отстрани блокадата за започнувањето на преговорите на Република Северна Македонија за членство во ЕУ, изјави специјалниот претставник за Бугарија, Владо Бучковски, за бугарската агенција БГНЕС.
Бучковски потенцира дека за нас се важни роковите за составување на владата во пресрет на одржувањето на Советот на Европската Унија во средината на декември.
Без разлика дали Бугарија ќе го има старо новиот премиер Борисов или новиот Атанас Герџиков, како што вели тој, до првата недела од декември се очекува Бугарија да има формирано кабинет, а САД и ЕУ не кријат дека ги чекаат изборните резултати, со цел да помогнат да се најде решение за спорот на Северна Македонија.
„Ставовите на Борисов и на Радев ни се добро познати. Обединетите партии ’Продолжуваме со промената‘ се исклучително позитивни во обидот да се најде решение за да се отстрани блокадата“,
вели Владо Бучковски за БГНЕС.