Бројот на жртви во Шпанија од коронавирусот, која е втора најпогодена земја во Европа после Италија, се искачи на 1 000. Досега, официјалните бројки говорат дека таму починале 1 002 граѓани, а заразени се 19 980.
*Поврзана вест: Коронавирус: Италија ја надмина Кина по бројот на смртни случаи
Шпанската влада, пак, денеска излезе со нови мерки и донесе донесе одлука за затворање на сите хотели и хостели во земјата.
Сите хотели мора да ги заклучат вратите откако ќе заминат и последните клиенти кои се таму, а најдоцна во рок од една недела.
„Собирањето луѓе во туристички сместувачки места, каде користат заеднички простории, го зголемува ризикот од зараза, па затоа е неопходно да се спречат луѓето да се движат таму. За да се спречи ширењето на вирусот, ние за јавност ги затвораме ваквите објекти”,
соопшти шпанското Министерство за здравство.
Во Шпанија, околу 10 проценти од хотелите останаа отворени, откако минатата недела беше донесена забрана за движење за 47 милиони жители и туристи, освен кога одат на работа, по намирници, аптеки, болници, банки, киосци, бензински пумпи или да го прошетаат кучето.
*Поврзана вест: Фармацевтската индустрија најавува вакцина против ковид-19 за 12 до 18 месеци
Затворањето на хотелите ќе биде нов удар за економијата, зависна од туризмот. Плажите се затворени од неделата, при што полицијата ги предупредува туристите да се вратат во хотелите преку разглас на англиски јазик.