Италија ја надмина Кина по бројот на смртни случаи од коронавирусот. Бројот на жртви достигна 3 405, додека во Кина тој број е 3 248 починати лица.
Вкупниот број на заразени што го пријавија италијанските власти е над 35 000 случаи.
Во Шпанија, пак, која исто така е втора најпогодена земја во Европа, вчера се регистрирани 4 360 новозаразени со коронавирус, со што вкупната бројка изнесува 18 077 лица. Бројот на смртни случаи вчера изнесувал 66, додека вкупниот број на починати е 833.
Поради порастот на инфицирани луѓе од ковид-19, шпанското Министерство за здравство најави дека ќе регрутира 50 000 нови здравствени работници. Ќе бидат вратени на работа пензионирани лекари и медицински сестри, а ќе се вработуваат и студентите по медицина кои се последна година на факултет.
Во Шпанија од неделата беше воведена вонредна состојба и околу 74 милиони Шпанци не смеат да излегуваат на улиците, освен за одење на работа, во болница, за купување храна и лекови, а работат и аптеките и бензинските пумпи.