Амбасадорката на САД во Скопје, Кејт Брнз, денеска имала средба и со претседателот Стево Пендаровски, во неговата резиденција.
Како што објави Пендаровски на Фејсбук, со амбасадорката разговарале за предизвиците што ги носи пандемијата, како и за потребата од одржување национален консензус во текот на преговорите со ЕУ, откако земјата исполни една од своите стратегиски цели – полноправното членство во НАТО.
Брнз му предала на Пендаровски честитка од американскиот претседател Доналд Трамп, по повод Денот на независноста на земјава – 8 Септември.
Синоќа амбасадорката на САД оствари средба со старо-новиот премиер Зоран Заев, кому му посочи дека ова е прво нивно видување како сојузници во НАТО.