Руските сили постигнаа минимален напредок на копно, море или воздух во последните денови и продолжуваат да трпат големи загуби, се вели во извештајот
Министерството за одбрана на Обединетото Кралство објави ажуриран разузнавачки извештај во кој се тврди дека руската инвазија на Украина во голема мера е запрена на сите фронтови.
„Руските сили постигнаа минимален напредок на копно, море или воздух во последните денови и продолжуваат да трпат големи загуби. Украинскиот отпор останува непоколеблив и добро координиран. Голем дел од украинската територија, вклучително и сите поголеми градови, останува во рацете на Украина“,
се вели во извештајот, чии делови се објавени и на Твитер.
Latest Defence Intelligence update on the situation in Ukraine – 17 March 2022
— Ministry of Defence 🇬🇧 (@DefenceHQ) March 17, 2022
Find out more about the UK government’s response: https://t.co/OdjSV0U43C
🇺🇦 #StandWithUkraine 🇺🇦 pic.twitter.com/gxOTw78P0M
И украинскиот претседател Володимир Зеленски, во ноќното обраќање, рече дека загубите на Русија во Украина се поголеми отколку во Сирија, Чеченија и Авганистан.
Обраќајќи им се на Русите во Русија, Зеленски рече:
„Руските сили трпат такви загуби во Украина какви што немаше ниту во Сирија ниту во Чеченија. Ниту советските сили претрпеа такви загуби во Авганистан“.
Неговата порака веројатно нема да ја слушнат многумина во Русија, каде што информациите за војната се строго контролирани.
Не е познато како Зеленски дошол до тие податоци.
Додека Москва зборува за околу 500 убиени војници, американската разузнавачка служба проценува дека повеќе од 7 000 Руси загинале за време на инвазијата на Украина.
Според различни проценки, околу 15 000 советски војници биле убиени во авганистанската војна (1979-89), најмалку 13 000 руски војници во чеченската војна и неколку стотици во Сирија.