Шефот на полицискиот оддел за борба против тероризмот, Рас Џексон изјави дека вчерашната експлозија пред Женската болница во Ливерпул била предизвикана од активирање на експлозивна направа што ја внел патник во таксито
Тројца мажи беа уапсени вчера според Законот за тероризам, а четвртиот беше уапсен денеска. Се верува дека сите „соработници“ на загинатиот патник, соопшти полицијата
Британската влада го подигна нивото на терористичка закана на сериозна, што значи дека постои голема веројатност за напад, по експлозијата во такси пред болницата во Ливерпул, кога едно лице загина.
Шефот на полицискиот оддел за борба против тероризмот, Рас Џексон изјави дека вчерашната експлозија пред Женската болница во Ливерпул била предизвикана од активирање на експлозивна направа што ја внел патник во таксито.
Во експлозијата и пожарот што следела загинал патникот, а таксистот излетал и се здобил со повреди кои не се опасни по живот.
Полицијата го истражува мотивот за инцидентот и дали е вмешан уште некој.
Министерката за внатрешни работи Прити Пател изјави за новинарите дека нивото на закана е подигнато во контекст на фактот дека ова е втор терористички напад за еден месец, без да даде дополнителни детали.
Тројца мажи беа уапсени вчера според Законот за тероризам, а четвртиот беше уапсен денеска. Се верува дека сите „соработници“ на загинатиот патник, соопшти полицијата.
Британскиот премиер Борис Џонсон денеска треба да претседава со состанокот на владиниот кризен комитет КОБРА, посветен на инцидентот.