Освен братот, кој договорил присилен брак за сестра си, во случајот биле вклучени и родителите на лицето од Србија, Ф.А. и М.Б., кои договориле и дале пари за склучување на присилниот брак, како и лицето кое ја имало улогата на посредник Б.А., кој имал надомест од 200 евра. Четворицата се лишени од слобода, а од судија на претходна постапка им е одредена мерка притвор во траење од по 30 дена
Дваесет и петгодишен скопјанец С.Ш. презел дејства за склучување присилен брак на својата малолетна сестра со лице од Србија за материјална корист од три илјади евра, информира Министерството за внатрешни работи (МВР).
Во случајот биле вклучени и родителите на лицето од Србија, Ф.А. и М.Б., кои договориле и дале пари за склучување на присилниот брак, како и лицето кое ја имало улогата на посредник Б.А., кој имал надомест од 200 евра.
Полицијата до Основно јавно обвинителство за гонење на организиран криминал и корупција (ОЈО-ГОКК) завчера поднесе кривична пријава против С.Ш. (25) и Б.А. (49) од Скопје и Ф.А. (46) и М.Б. (51) двајцата од Република Србија поради постоење основано сомнение за сторено кривично дело „трговија со дете“.
„Одделот за сузбивање на организиран и сериозен криминал, Сектор за криминалистички истраги – Националната единица за сузбивање на криумчарење мигранти и трговија до Основно јавно обвинителство за гонење на организиран криминал и корупција на 07.09.2022 поднесе кривична пријава против С.Ш.(25) од Скопје, Ф.А. (46) и М.Б. (51) двајцата од Р. Србија и Б.А. (49) од Скопје поради постоење основано сомнение за сторено кривично дело „трговија со дете“ казниво по член 418-г став 1 и 2 од Кривичен законик“,
информираат од МВР.
Лицата се лишени од слобода, а од судија на претходна постапка им е одредена мерка притвор во траење од по 30 дена.